Bawal Umutot sa FX

Sakay ako ng FX kaninang pauwi ako galing sa trabaho. Habang binabagtas namin ang kahabaan ng Shaw Boulevard biglang merong umamoy na kakaiba. Tangina, me umutot! Aircon pa naman yung FX.


Takip ako ng ilong. Alam ko dun sa pwesto ko sa likod galing yung amoy pero syempre lahat kunwari nababahuan. Sino ba namang aamin na sya ang umutot, di ba? Lalo na kung sobrang baho. Putsa, yung utot na pinakawalan sa FX e parang me kasamang alam mo na. Yun bang malagkit na utot kung tawagin nila.

Naalala ko tuloy yung tiyahin ko. Kasi minsan nung nagsisimba kami (matagal na panahon na yun) habang nakapila kami para sa kumunyon bigla ba namang umutot ng pagka lakas lakas. Syempre tinginan ang mga tao. Tapos napansin ko sa akin nakatingin. Yun palang tiyahin ko (na nakatayo sa harap ko) e nakatingin sa akin na para bang ako yung umutot. Ako naman e me pagkamahiyain pa nuon kaya nag blush sa hiya. Ayun parang inamin ko na ako nga yung umutot.