Thursday, November 6, 2008

Isang Araw...

Isang araw, wala akong magawa. Absent ako sa trabaho nun. Nakababad ako maghapon sa harap ng computer at nag ba browse ng kung anik anik.

Tapos nadaanan ko itong isang site na napakaraming commercial. Aba putsa, kahit pala sa internet ay sandamakmak na rin ang ads. Tapos me nabasa ako na "how to earn money with your blog" sa isang site na puro blog.

Blog? Ano yun? Kumikita pala sila dun. Ang alam ko lang na blog e yung tunog kapag bumagsak ka sa sahig. Yun bang KA-BLOG! Tapos me kasunod na "araykupo, pu^@#%inang sakit!"

Konting research laang at nakarating ako dito sa Blogger. Konting basa, konting click at eto nagba blog na rin ako. Nahirapan nga ako umisip ng title. Gusto ko sana e yung nakaka impress. Tipong malalim na ingles. Thirty minutes na wala pa ko maisip. Tapos napamura na ako. Ay puuuu... teka, pwedeng title yun ah! Kaya eto, title ng blog ko, Blog Ng Ina Mo.

Sana kumita ako rito. Ano kayang ilalagay ko rito. Bukas na lang at parang dudugo na ilong ko kakaisip. Iisip pa nga ako ng kasinungalingan sa boss ko bukas. Hay naku.

No comments:

There was an error in this gadget